روح

قمع سكر
بيومي قنديل
قمع سكر و لاَّ طير اخضر بيتمخطر،
على المعبر،
و ح يعلِّي، في الفضا الوردي،
و ح يسيب ني لوحدي،
فيْ صحرا وسع الهموم هايمة مابين
بــردي
و شردي!
***
قمع سكَّر و لاَّ طير ورور،
حلاوة في دمي بتبات كل ما انضر،
إلاَّ روحي تْطير: من اين جابت جناح
و اتنين ع شان تلحق تصلي،
فْي معبد القُمع،
اللي دايب من يوميها جوا مني!
***
قمع سُكَّر لولا دمي شربه إيه كان ح يلايم ني
ع السما باقمارها وشموسها استف ها في عبي،
و لولاه إيه كان يخلِّي حبي ساع،
كل العوازل و الأعادي، أهل "نمنم"،
"دان" و "لبني"
و لولاه إيه كان يحفَّض ني لغا الطير،
إيه يفطَّم ني أغنِّي،
و الحروف من قلبي تطلع ريش محني؟



حدايق القبة
ديسمبر/كياك 2008